المنيو مش لازم يكون أخر حاجة بتفكر فيها لأن كل حاجة في مطعمك بتبدي منه
شفنا معظم المطاعم بتواجه نفس المشكلة. السعر بيتغير، أو طبق بيخلص، أو بيجي وقت سيزون أو عيد وبيبقوا عايزين ينزلوا منيو جديد — وساعتها انهم يعملوا المنيو الجديد بيقلب معاهم لشغلانة طويلة.
صحاب المطاعم بيضطروا يطبعوا منيو من أول وجديد، و يعملوا كود تاني وكمان يستنوا وكالات التسويق والمصممين لحد ما تخلصلهم المنيو. و ساعات بيلجأوا أنهم يلزقوا ستيكر بالأسعار الجديدة على المنيو القديم أو يقولوا للزباين أن الأوردر بتعاهم خلصان أو مش موجود.
بصينا على برامج إدارة المطاعم الموجودة ولقينا نقص كبير في السوق. معظم البرامج الموجودة حالياً بتتعامل مع المنيو انه حاجة جانبية وبيركزوا أكتر على أنظمة الكاشير وأجهزة تقنية معقدة بتخلي صحاب المطاعم يضطروا أنهم يشتغوا كأنهم IT. فأحنا صممنا سيستم لإدارة المنيو مخصوص عشان يسهل الشغل والطلبيات كنتيجة طبيعية من منيو دايماً كويس ومظبوط طول الوقت.
وكمان شايفين ان المنيو مينفعش يكون بلغة واحدة. مع منيوزي، صحاب المطاعم عندهم تحكم كامل في اللغات الي المنيو يظهر بيها فممكن يحطوا كل اللغات المنيو من البرنامج على طول.
ظبط المنيو بتاعك في مرة واحدة وبيبقى أونلاين في كل حتة سواء على الترابيزات أو السوشال ميديا ومن أي مكان وكمان مترجم عشان زباينك يقروا المنيو بلغتهم.
المبادئ الي احنا بانيين عليها منيوزي عشان إدارة المنيو والمطاعم تكون أسهل و أسرع و يعتمد عليها
واضح لكل الناس
زباينك مش هيكتشفوا أن أكلة مش موجودة بعد ما عملوا حسابهم عليها. فريقك هيشتغل من منيو واحد. و مش هتتفاجئ مننا بأي رسوم إضافية ومعاك سيستم تنظيم منيو ببلاش وهيفضل ببلاش.
سهل أنك تستخدمه
فريق المطعم هيلاقي كل الي محتاجه من غير تدريب. صحاب المطاعم ممكن يغيروا المنيو في أي لحظة. الزباين هيقروا المنيو بلغتهم. وكل الناس بتوصل للمنيو بسهولة.
معمول عشان الكفاءة
بنحول كل الشغل المعقد لعمليات بسيطة لصحاب المطاعم. يعني ممكن تعمل خصم او عرض كل يوم جمعة وكل المطلوب منك انك تختار اليوم وتحط العرض ومنيوزي هينشر العرض في الوقت الي حددته من نفسه.
مبني للأداء العالي
المنيو دايماً بيتغير وعشان كدة منيوزي خفيف وسريع جداً حتى لو النت بطئ أو لو في مشكلة في النت.
يعتمد عليه في أي وقت
المنيو الي قدامك هو نفس المنيو الي قدام زباينك. المنيو سواء على رابط أو ال QR نفس الحاجة مهما ظبطت أو غيرت فيه.
اعمل المنيو بتاعك انهاردة واستخدمه ببلاش زي ما أنت عايز.
زود اللغات الي زباينك بيكلموها، اعمل منيو رمضان أو الأعياد، ضبط الأسعار أو اعمل تخفيض وشير المنيو في كل حتة. من غير ما تدفع أو تكلمنا.